Il-BĊE jniedi karta dwar l-ugwaljanza, id-diversità u l-inklużjoni

26 ta' Lulju 2022

• Il-BĊE jiffirma karta għas-sistema kollha li ssostni l-ugwaljanza, id-diversità u l-inklużjoni
• Sa issa 27 firmatarju

Illum il-President tal-Bank Ċentrali Ewropew (BĊE) nediet uffiċjalment il-karta dwar l-ugwaljanza, id-diversità u l-inklużjoni tas-SEBĊ u l-MSU, flimkien mal-kapijiet ta' 26 bank ċentrali nazzjonali Ewropew u awtoritajiet kompetenti nazzjonali.^[1] Il-firmatarji jimpenjaw lill-istituzzjonijiet tagħhom biex jaċċelleraw l-isforzi biex jippromwovu ambjenti tax-xogħol ibbażati fuq ir-rispett u d-dinjità. Huma jimpenjaw ruħhom ukoll li jiżguraw li l-postijiet tax-xogħol tagħhom ikunu ħielsa minn kull forma ta’ diskriminazzjoni.

“Istituzzjonijiet aktar diversi u inklużivi jagħtu riżultati aħjar. Billi ngħaqqdu l-isforzi individwali tagħna, qegħdin pass eqreb biex nirriflettu aħjar id-diversità taċ-ċittadini li naqdu,” qalet il-President Lagarde.

Meta jiffirmaw il-karta, l-istituzzjonijiet parteċipanti kollha jikkonfermaw il-fehim komuni tagħhom li postijiet tax-xogħol diversi u inklużivi jtejbu l-prestazzjoni u r-reżiljenza tal-istituzzjonijiet tagħhom. Il-karta tistabbilixxi prinċipji kondiviżi, għanijiet komuni u impenji konkreti biex tittejjeb il-kultura tax-xogħol fuq livell tas-sistema kollha. Isostni l-prinċipji li n-nies kollha huma ugwali fid-drittijiet u fid-dinjità u li timijiet diversi jġibu soluzzjonijiet aktar innovattivi.

Għal aktar informazzjoni dwar l-isforzi tal-BĊE biex irawwem l-ugwaljanza, id-diversità u l-inklużjoni, ara s-sit web tal-BĊE.

Għal mistoqsijiet min-naħa tal-midja, il-persuna ta’ kuntatt hija Verena Reith, tel.: +49 69 1344 5737.