Il-BĊE jadotta opinjoni dwar il-ħatra tal-Viċi President futur tiegħu

25 ta’ Frar 2026

• Il-Kunsill Governattiv ma għandu l-ebda oġġezzjoni għall-kandidat propost Boris Vujčić

Il-Kunsill Governattiv tal-Bank Ċentrali Ewropew (BĊE) illum adotta opinjoni dwar rakkomandazzjoni mill-Kunsill tal-Unjoni Ewropea dwar il-ħatra tal-Viċi President tal-BĊE.

Il-Kunsill Governattiv ma kellu l-ebda oġġezzjoni għall-kandidat propost, Boris Vujčić, li huwa persuna ta’ awtorità u ta’ esperjenza professjonali rikonoxxuta f’affarijiet monetarji jew bankarji, kif mitlub mill-Artikolu 283(2) tat-Trattat dwar il-Funzjonament tal-Unjoni Ewropea. Is-Sur Vujčić bħalissa jservi bħala l-Gvernatur ta’ Hrvatska narodna banka.

Wara l-opinjoni tal-Kunsill Governattiv u opinjoni tal-Parlament Ewropew, il-Viċi President il-ġdid tal-BĊE se jinħatar mill-Kunsill Ewropew. L-opinjoni tal-Kunsill Governattiv, li ser tiġi ppubblikata dalwaqt f’Il-Ġurnal Uffiċjali tal-Unjoni Ewropea, ser tkun disponibbli fis-sit web tal-BĊE bil-lingwi uffiċjali kollha tal-UE.

Is-Sur Vujčić se jservi mandat ta’ tmien snin li ma jiġġeddidx, b’effett mill-1 ta’ Ġunju 2026. Huwa se jieħu post Luis de Guindos, li l-mandat tiegħu bħala Viċi President tal-BĊE se jiskadi fil-31 ta’ Mejju 2026.

Għal mistoqsijiet min-naħa tal-media, jekk jogħġobkom ikkuntattjaw lil Mila Quacquarelli, tel.: +49 170 6324603.