EUR-Lex Aċċess għal-liġi tal-Unjoni Ewropea
Dan id-dokument hu mislut mis-sit web tal-EUR-Lex
Dokument 32015O0040
Guideline (EU) 2016/66 of the European Central Bank of 26 November 2015 amending Guideline ECB/2013/24 on the statistical reporting requirements of the European Central Bank in the field of quarterly financial accounts (ECB/2015/40)
Linja Gwida (UE) 2016/66 tal-Bank Ċentrali Ewropew tas-26 ta' Novembru 2015 li temenda l-Linja ta' Gwida BĊE/2013/24 dwar l-obbligi ta' rappurtar tal-istatistika tal-Bank Ċentrali Ewropew fil-qasam tal-kontijiet finanzjarji trimestrali (BĊE/2015/40)
Linja Gwida (UE) 2016/66 tal-Bank Ċentrali Ewropew tas-26 ta' Novembru 2015 li temenda l-Linja ta' Gwida BĊE/2013/24 dwar l-obbligi ta' rappurtar tal-istatistika tal-Bank Ċentrali Ewropew fil-qasam tal-kontijiet finanzjarji trimestrali (BĊE/2015/40)
ĠU L 14, 21.1.2016, p. 36–42
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
Fis-seħħ
|
21.1.2016 |
MT |
Il-Ġurnal Uffiċjali tal-Unjoni Ewropea |
L 14/36 |
LINJA GWIDA (UE) 2016/66 TAL-BANK ĊENTRALI EWROPEW
tas-26 ta' Novembru 2015
li temenda l-Linja ta' Gwida BĊE/2013/24 dwar l-obbligi ta' rappurtar tal-istatistika tal-Bank Ċentrali Ewropew fil-qasam tal-kontijiet finanzjarji trimestrali (BĊE/2015/40)
IL-KUNSILL GOVERNATTIV TAL-BANK ĊENTRALI EWROPEW,
Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew, u b' mod partikolari l-Artikolu 5.1 u 5.2, u l-Artikoli 12.1 u 14.3 tiegħu,
Billi:
|
(1) |
It-tnaqqis tal-perijodu ta' rapportar għal dejta supplimentari bi tlett ijiem, li għandu japplika mill-ewwel trasmissjoni fl-2017 taħt il-Linja Gwida BĊE/2013/24 (1), issa mhux ser ikun meħtieġ minħabba bidliet fl-iskeda tal-laqgħat tal-Kunsill Governattiv. Għal aktar effiċjenza, deċiżjonijiet dwar it-tnaqqis tal-perijodi tar-rapportar biex jiġu kkunsirati bidliet fl-iskeda li jistgħu jsiru fil-futur għandhom jiġu ddelegati lill-Bord Eżekuttiv, li għandu jikkunsidra l-opinjoni tal-Kumitat tal-Istatistika (KST). |
|
(2) |
Barra minn hekk, ir-rekwiżiti ta' dejta supplimentari stipulati fil-Linja Gwida BĊE/2013/24 għandhom jiġu mmodifikati sabiex jinkludu selfiet bejn korporazzjonijiet mhux finanzjarji, fuq bażi volontarja, biex jittejbu l-kopertura u l-kwalità tal-aggregati taż-żona tal-euro. |
|
(3) |
Għalhekk, il-Linja Gwida BĊE/2013/24 għandha tiġi emendata kif meħtieġ, |
ADOTTA DIN IL-LINJA GWIDA:
Artikolu 1
Emendi
Il-Linja Gwida BĊE/2013/24 hija emendata kif ġej:
|
1. |
fl-Artikolu 2, il-paragrafu 2 huwa mibdul b'dan li ġej: “2. Ir-rekwiżiti tad-‘dejta supplimentari’ għandhom ikopru tranżazzjonijiet u stokks għall-perijodu mill-aħħar trimestru tal-2012 sat-trimestru ta' referenza. Dik id-dejta supplimentari għandha tiġi rrapportata fuq il-bażi tal-aħjar stima. Ir-rekwiżiti ta' dejta supplimentari speċifikati fil-kolonni ‘H’, ‘H.1’ u ‘H.2’ tat-Tabelli 1, 2, 4 u 5 tal-Anness I (dejta supplimentari li tirreferi għas-settur tal-gvern u s-subsetturi tiegħu), u fil-kolonna ‘B’, ringieli 3 u 13, tat-Tabelli 4 u 5 tal-Anness I (dejta supplimentari li tirreferi għal selfiet bejn korporazzjonijiet mhux finanzjarji) għandhom jiġu rrapportati fuq bażi volontarja.”; |
|
2. |
fl-Artikolu 4, il-paragrafu 1 huwa mibdul b'dan li ġej: “1. Id-‘dejta supplimentari’ deskritta fl-Artikolu 2(2) għandha tiġi rrapportata lill-BĊE fi żmien perjodu li m'għandux jeċċedi 85 jum tal-kalendarju wara tmiem it-trimestru ta' referenza. Il-Bord Eżekuttiv jista' jnaqqas din l-iskadenza għal 82 jum, jekk xieraq, billi jikkunsidra l-fehmiet tal-KST. Il-Bord Eżekuttiv għandu jinforma lill-Kunsill Governattiv bid-deċiżjoni tiegħu mingħajr dewmien żejjed. Il-BĊE għandu jħabbar kwalunkwe bidla fil-perijodu ta' rapportar ta' mill-inqas sena qabel id-data ta' implimentazzjoni.”; |
|
3. |
L-Anness I huwa emendat skont l-Anness ta' din il-Linja Gwida. |
Artikolu 2
Dħul fis-seħħ u implimentazzjoni
1. Din il-Linja Gwida għandha tidħol fis-seħħ fil-jum tan-notifika tagħha lill-banek ċentrali nazzjonali tal-Istati Membri li l-munita tagħhom hija l-euro.
2. Il-banek ċentrali tal-Eurosistema għandhom jikkonformaw ma' din il-Linja Gwida mill-1 ta' Jannar 2016.
Artikolu 3
Destinatarji
Din il-Linja Gwida hija indirizzata lill-banek ċentrali kollha tal-Eurosistema.
Magħmul fi Frankfurt am Main, is-26 ta' Novembru 2015.
Għall-Kunsill Governattiv tal-BĊE
Il-President tal-BĊE
Mario DRAGHI
(1) Linja Gwida 2014/3/UE tal-Bank Ċentrali Ewropew tal-25 ta' Lulju 2013 dwar ir-rekwiżiti ta' rapportaġġ statistiku tal-Bank Ċentrali Ewropew fil-qasam tal-istatistika esterna (BĊE/2013/24) (ĠU L 2, 7.1.2014, p. 34).
ANNESS
L-Anness I tal-Linja ta' Gwida BĊE/2013/24 huwa emendat kif gej:
|
1. |
It-Tabella “Sommarju ta' rekwiżiti ta' dejta” hija ssostitwita b'dan li ġej: “Sommarju ta' rekwiżiti ta' dejta
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
2. |
it-Tabelli 4 u 5 huma ssostitwiti b'dan li ġej: “Tabella 4 Selfiet għal żmien qasir (F.41) (1)
“Tabella 5 Selfiet fit-tul (F.42) (5)
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
(1) Ir-rekwiżiti ta' dejta għal stokks, tranżazzjonijiet u bidliet oħrajn fil-volum huma identiċi.
(2) Istituzzjonijiet monetarji finanzjarji (MFIs; S.121 + S.122 + S.123). Skont l-ESA 2010 (paragrafu 5.118) selfiet għal żmien qasir mogħtija lil korporazzjonijiet li jieħdu d-depożiti (S.121 + S.122) għandhom jioġu kklassifikati bħala depożiti (F.22 jew F.29).
(3) Fondi tas-suq monetarju (MMFs; S.123).
(4) Istituzzjonijiet mhux għal profitt li jservu lil unitajiet domestiċi (NPISHs; S.15).”.
(5) Ir-rekwiżiti tad-dejta għal stokks, tranżazzjonijiet u bidliet oħrajn fil-volum huma identiċi.
(6) Istituzzjonijiet finanzjarji monetarji (MFIs; S.121 + S.122 + S.123).
(7) Fond tas-suq monetarju (MMF; S.123).
(8) Istituzzjonijiet li ma jagħmlux profitti li jservu lil unitajiet domestiċi (NPISHs; S.15).”.