21.2.2015   

MT

Il-Ġurnal Uffiċjali tal-Unjoni Ewropea

C 64/1

1.

2.

1.

Il-Kunsill Ewropew fir-Riżoluzzjoni tiegħu tas-16 ta’ Ġunju 1997 (minn hawn ‘il quddiem “ir-Riżoluzzjoni”) qabel li jistabbilixxi mekkaniżmu għal rata tal-kambju (minn hawn ‘il quddiem “l-ERM II”) meta t-tielet stadju ta’ Unjoni Ekonomika u Monetarja beda fl-1 ta’ Jannar 1999.

2.

Skont it-termini tar-Riżoluzzjoni, l-ERM II huwa mfassal biex jgħin jiżgura li l-Istati Membri barra ż-żona tal-euro li qed jipparteċipaw fl-ERM II jidderieġu l-politika tagħhom lejn l-istabbiltà, jinkoraġġixxu l-konverġenza u b’hekk jgħin lill-Istati Membri barra ż-żona tal-euro fl-isforzi tagħhom biex jadottaw l-euro.

3.

Il-Litwanja, bħala Stat Membru b’deroga, ilha tipparteċipa fl-ERM II sa mill-2004. Lietuvos bankas huwa parti għall-ftehim tas-16 ta’ Marzu 2006 bejn il-Bank Ċentrali Ewropew u l-banek ċentrali nazzjonali tal-Istati Membri barra miż-żona tal-euro li jistabbilixxi l-proċeduri operattivi għal mekkaniżmu tar-rata tal-kambju fit-tielet stadju tal-Unjoni Ekonomika u Monetarja (1), kif emendat bil-Ftehim tal-21 ta’ Diċembru 2006 (2), bil-Ftehim tal-14 ta’ Diċembru 2007 (3), bil-Ftehim tat-8 ta’ Diċembru 2008 (4), bil-Ftehim tat-13 ta’ Diċembru 2010 (5), bil-Ftehim tal-21 ta’ Ġunju 2013 (6) u bil-Ftehim tas-6 ta’ Diċembru 2013 (7) (iktar ‘il quddiem imsejħin flimkien “il-Ftehim tal-Bank Ċentrali dwar l-ERM II”).

4.

Skont l-Artikolu 1 tad-Deċiżjoni tal-Kunsill 2014/509/UE tat-23 ta’ Lulju 2014 dwar l-adozzjoni tal-euro mil-Litwanja fl-1 ta’ Jannar 2015 (8) id-deroga favur il-Litwanja msemmija fl-Artikolu 4 tal-Att tal-Adeżjoni tal-2003 hija rrevokata b’effett mill-1 ta’ Jannar 2015. L-euro ser tkun il-munita tal-Litwanja mill-1 ta’ Jannar 2015 u minn dik id-data Lietuvos bankas m’għandux jibqa’ parti għall-Ftehim tal-Banek Ċentrali dwar l-ERM II.

5.

Huwa għalhekk meħtieġ illi jiġi emendat il-Ftehim tal-Banek Ċentrali dwar l-ERM II biex tiġi kkunsidrata r-revoka tad-deroga favur il-Litwanja,