Dan id-dokument hu mislut mis-sit web tal-EUR-Lex
Dokument 32011D0025
2011/870/EU: Decision of the European Central Bank of 14 December 2011 on additional temporary measures relating to Eurosystem refinancing operations and eligibility of collateral (ECB/2011/25)
2011/870/UE: Deċiżjoni tal-Bank Ċentrali Ewropew tal- 14 ta’ Diċembru 2011 dwar miżuri temporanji addizzjonali fir-rigward ta’ operazzjonijiet ta’ rifinanzjament tal-Eurosistema u l-eliġibbiltà tal-kollateral (BĊE/2011/25)
2011/870/UE: Deċiżjoni tal-Bank Ċentrali Ewropew tal- 14 ta’ Diċembru 2011 dwar miżuri temporanji addizzjonali fir-rigward ta’ operazzjonijiet ta’ rifinanzjament tal-Eurosistema u l-eliġibbiltà tal-kollateral (BĊE/2011/25)
ĠU L 341, 22.12.2011, p. 65–66
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
M’għadux fis-seħħ, Data tat-tmiem tal-validitàà: 13/09/2012; Imħassar b' 32012D0017(01)
|
22.12.2011 |
MT |
Il-Ġurnal Uffiċjali tal-Unjoni Ewropea |
L 341/65 |
DEĊIŻJONI TAL-BANK ĊENTRALI EWROPEW
tal-14 ta’ Diċembru 2011
dwar miżuri temporanji addizzjonali fir-rigward ta’ operazzjonijiet ta’ rifinanzjament tal-Eurosistema u l-eliġibbiltà tal-kollateral
(BĊE/2011/25)
(2011/870/UE)
IL-KUNSILL GOVERNATTIV TAL-BANK ĊENTRALI EWROPEW,
Wara li kkunsidra t-Trattat dwar il-Funzjonament tal-Unjoni Ewropea, u partikolarment l-ewwel inċiż tal-Artikolu 127(2) tiegħu,
Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew (minn hawn ’il quddiem l-“Istatut tas-SEBĊ”), u partikolarment l-ewwel inċiż tal-Artikolu 3.1 u l-Artikolu 18.2 tiegħu,
Billi:
|
(1) |
Skont l-Artikolu 18.1 tal-Istatut tas-Sistema Ewropea tal-banek Ċentrali u tal-Bank Ċentrali Ewropew, il-Bank Ċentrali Ewropew (BĊE) u l-banek ċentrali nazzjonali tal-Istati Membri li l-munita tagħhom hija l-euro (minn hawn ‘il quddiem il-“BĊNi”) jistgħu jwettqu operazzjonijiet ta’ kreditu ma’ istituzzjonijiet ta’ kreditu u parteċipanti oħra fis-suq, bis-self ikun ibbażat fuq kollateral xieraq. Il-kundizzjonijiet ġenerali li taħthom il-BĊE u l-BĊNi jinsabu lesti biex jidħlu f’operazzjonijiet ta’ kreditu, li jiddeterminaw l-eliġibbiltà tal-kollateral għall-finijiet tal-operazzjonijiet ta’ kreditu tal-Eurosistema, huma stabbiliti fl-Anness I tal-Linja Gwida BĊE/2000/7 tal-31 ta’ Awwissu 2000 dwar l-istrumenti u l-proċeduri tal-politika monetarja tal-Eurosistema (1) (minn hawn ’il quddiem imsejħa d-“Dokumentazzjoni Ġenerali”). |
|
(2) |
Fit-8 ta’ Diċembru 2011, il-Kunsill Governattiv tal-BĊE iddeċieda dwar miżuri msaħħa addizzjonali għall-appoġġ ta’ kreditu biex jappoġġaw is-self tal-banek u l-likwidità fis-suq tal-flus taż-żona tal-euro. Skont dik id-deċiżjoni u sabiex tissaħħaħ il-provvista ta’ likwidità lil kontropartijiet ta’ operazzjonijiet tal-politika monetarja tal-Eurosistema, għandu jkun hem għażla biex ċerti operazzjonijiet ta’ rifinanzjament fuq żmien itwal jiġu tterminati jew modifikati qabel il-maturità, u għandhom jitwessgħu il-kriterji li jiddeterminaw l-eliġibbiltà ta’ assi li għandhom jintużaw bħala kollateral f’operazzjonijiet ta’ politika monetarja tal-Eurosistema. |
|
(3) |
Dawn il-miżuri iridu japplikaw temporanjament, sakemm il-Kunsill Governattiv iqis illi l-istabbiltà tas-sistema finanzjarja tippermetti l-applikazzjoni tal-qafas ġenerali tal-Eurosistema għall-operazzjonijiet tal-politika monetarja, |
ADOTTA DIN ID-DEĊIŻJONI:
Artikolu 1
Miżuri addizzjonali fir-rigward ta’ operazzjonijiet ta’ rifinanzjament u kollateral eliġibbli
1. Ir-regola għat-tmexxija ta’ operazzjonijiet tal-politika monetarja tal-Eurosistema u l-kriterji tal-eliġibbiltà għall-kollateral stabbiliti f’din id-Deċiżjoni għandhom japplikaw flimkien mad-Dokumentazzjoni Ġenerali.
2. F’każ ta’ xi diskrepanza bejn din id-Deċiżjoni u d-Dokumentazzjoni Ġenerali, kif implimentata fil-livell nazzjonali mill-BĊNi, tal-ewwel għandha tingħata preċedenza. Il-BĊNi għandhom ikomplu japplikaw id-dispożizzjonijiet kollha tad-Dokumentazzjoni Ġenerali mingħajr tibdil sakemm mhux stipulat mod ieħor f’din id-Deċiżjoni.
Artikolu 2
Għażla biex operazzjonijiet ta’ rifinanzjament fuq żmien itwal jiġu tterminati jew modifikati
L-Eurosistema tista’ tiddeċiedi illi, taħt ċerti kundizzjonijiet, il-kontropartijiet jistgħu jnaqqsu l-ammont ta’, jew jitterminaw, ċerti operazzjonijiet ta’ rifinanzjament fuq żmien itwal qabel ma jimmaturaw.
Artikolu 3
Ammissjoni ta’ ċerti titoli garantiti minn assi addizzjonali
1. Minbarra t-titoli garantiti minn assi (ABS) eliġibbli taħt Kapitolu 6 tad-Dokumentazzjoni Ġenerali, ABS li l-assi sottostanti tagħhom jinkludu jew self b’ipoteka fuq immobbli residenzjali biss jew self lil impriżi żgħar u ta’ daqs medju (SMEs) biss għandhom ikunu eliġibbli bħala kollateral għal operazzjonijiet tal-politika monetarja tal-Eurosistema anke jekk dawk l-ABS ma jissodisfawx ir-rekwiżiti għall-valutazzjoni tal-kreditu taħt Taqsima 6.3.2 tad-Dokumentazzjoni Ġenerali iżda mill-bqija jikkonformaw mal-kriterji tal-eliġibbiltà kollha applikabbli għall-ABS skont id-Dokumentazzjoni Ġenerali, sakemm ikollhom klassifika tat-tieni l-aqwa ta’ mill-inqas il-limitu minimu tal-Eurosistema ta’ stadju 2 tal-iskala tal-Eurosistema għall-klassifika armonizzata., kif imsemmi f’Taqsima 6.3.1 tad-Dokumentazzjoni Ġenerali, mal-ħruġ u fi kwalsiasi ħin wara. Huma għandhom jissodisfaw ukoll ir-rekwiżiti kollha li ġejjin:
|
(a) |
l-assi li jiġġeneraw il-likwidità li jiggarantixxu l-ABS għandhom jappartjenu għall-istess klassi ta’ assi, jiġifieri il-pool tal-assi għandha tikkonsisti jew minn ipoteki fuq immobbli residenzjali biss jew minn self lil SMEs biss, u ma għandux ikun hemm taħlit ta’ assi minn klassijiet ta’ assi differenti; |
|
(b) |
l-assi li jiġġeneraw il-likwidità li jiggarantixxu l-ABS ma għandhomx ikun fihom self illi:
|
|
(c) |
il-kontroparti li tippreżenta ABS bħala kollateral, jew kull parti terza li magħha għandha rabtiet mill-qrib, ma għandhiex taġixxi bħala fornitur ta’ ta’ hedge tar-rata tal-imgħax fir-rigward tal-ABS; |
|
(d) |
id-dokumenti tat-tranżazzjoni tal-ABS għandu jkun fihom dispożizzjonijiet dwar il-kontinwita’ tas-servizz. |
2. Għall-finijiet tal-paragrafu 1 il-kliem "impriża żgħira" u "impriża ta’ daqs medju" għandhom ikollhom l-istess tifsira mogħtija lilhom fir-Rakkomandazzjoni tal-Kummissjoni 2003/361/KE tas-6 ta’ Mejju 2003 dwar id-definizzjoni ta’ impriżi mikro, żgħar u ta’ daqs medju (2).
Artikolu 4
Ammissjoni ta’ ċerti klejms ta’ kreditu addizzjonali
1. BĊN jista’ jaċċetta bħala kollateral għal operazzjonijiet ta’ politika montarja tal-Eurosistema klejms ta’ kreditu li ma jissodisfawx il-kriterji ta’ eliġibbiltà tal-Eurosistema
2. Il-BĊNi għandhom jistabbilixxu kriterji ta’ eliġibbiltà u miżuri għall-kontroll tar-riskju għall-aċċettazzjoni ta’ klejms ta’ kreditu skont il-paragrafu 1. Dawn il-kriterji ta’ eliġibbiltà u l-miżuri għall-kontroll tar-riskju għandhom ikunu soġġetti għall-approvazzjoni minn qabel tal-Kunsill Governattiv.
Artikolu 5
Dispożizzjonijiet finali
Din id-Deċizjoni għandha tidħol fis-seħħ fid-19 ta’ Diċembru 2011.
Magħmul fi Frankfurt am Main, l-14 ta’ Diċembru 2011.
Għall-Kunsill Governattiv tal-BĊE
Il-President tal-BĊE
Mario DRAGHI
(1) ĠU L 310, 11.12.2000, p. 1. Mill-1 ta’ Jannar 2012, il-Linja Gwida BĊE/2000/7 hija sostitwita minn Linja Gwida BĊE/2011/14 tal-20 ta’ Settembru 2011 dwar l-istrumenti u l-proċeduru tal-politika monetarja tal-Eurosistema (ĠU L 331, 14.12.2011, p. 1).
(2) ĠU L 124, 20.5.2003, p. 36.