EUR-Lex Aċċess għal-liġi tal-Unjoni Ewropea
Dan id-dokument hu mislut mis-sit web tal-EUR-Lex
Dokument 52010AB0082
Opinion of the European Central Bank of 19 November 2010 on a proposal for a regulation of the European Parliament and of the Council amending Regulation (EC) No 1060/2009 on credit rating agencies (CON/2010/82)
Opinjoni tal-Bank Ċentrali Ewropew tad- 19 ta’ Novembru 2010 dwar proposta għal regolament tal-Parlament Ewropew u tal-Kunsill li jemenda ir-Regolament (KE) Nru 1060/2009 dwar aġenziji li jikklassifikaw il-kreditu (CON/2010/82)
Opinjoni tal-Bank Ċentrali Ewropew tad- 19 ta’ Novembru 2010 dwar proposta għal regolament tal-Parlament Ewropew u tal-Kunsill li jemenda ir-Regolament (KE) Nru 1060/2009 dwar aġenziji li jikklassifikaw il-kreditu (CON/2010/82)
ĠU C 337, 14.12.2010, p. 1–9
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
14.12.2010 |
MT |
Il-Ġurnal Uffiċjali tal-Unjoni Ewropea |
C 337/1 |
OPINJONI TAL-BANK ĊENTRALI EWROPEW
tad-19 ta’ Novembru 2010
dwar proposta għal regolament tal-Parlament Ewropew u tal-Kunsill li jemenda ir-Regolament (KE) Nru 1060/2009 dwar aġenziji li jikklassifikaw il-kreditu
(CON/2010/82)
2010/C 337/01
Introduzzjoni u bażi legali
Fis-26 ta’ Lulju 2010, il-Bank Ċentrali Ewropew (BĊE) irċieva talba mill-Kunsill tal-Unjoni Ewropea għal opinjoni dwar proposta għal regolament li jemenda r-Regolament (KE) Nru 1060/2009 dwar l-aġenziji li jikklassifikaw il-kreditu (1) (minn hawn ’il quddiem ir-“regolament propost”).
Il-kompetenza tal-BĊE biex jagħti opinjoni hija bbażat fuq l-Artikolu 127(4) u l-Artikolu 282(5) tat-Trattat dwar il-Funzjonament tal-Unjoni Ewropea billi r-regolament propost fih dispożizzjonijiet li jaffettwaw l-kontribuzzjoni tas-Sistema Ewropea tal-Banek Ċentrali (SEBĊ) għat-tmexxija bla ostakoli tal-politiki dwar l-istabbiltà tas-sistema finanzjarja, kif imsemmi fl-Artikolu 127(5) tat-Trattat. Skont l-ewwel sentenza tal-Artikolu 17.5 tar-Regoli ta’ Proċedura tal-Bank Ċentrali Ewropew, il-Kunsill Governattiv adotta din l-opinjoni.
Osservazzjonijiet ġenerali
1. |
B’mod ġenerali, il-BĊE jilqa’ l-miżuri introdotti mir-regolament propost biex jissaħħaħ il-qafas regolatorju tal-aġenziji li jikklassifikaw il-kreditu (AKK), partikolarment sabiex: (a) jiġu attribwiti poteri komprensivi lill-Awtorità Ewropea tat-Titoli u s-Swieq (AETS) fir-rigward tar-reġistrazzjoni u s-sorveljanza ta’ AKK; u (b) jiġu introdotti trasparenza u kompetizzjoni ikbar fis-suq għall-klassifikazzjonijiet ta’ strumenti finanzjarji strutturati. Il-BĊE japprezza li r-Regolament (KE) Nru 1060/2009 (2) inkorpora ħafna mill-osservazzjonijiet li kienu saru qabel fi: (a) il-kontribuzzjoni tal-Eurosistema għall-konsultazzjoni pubblika fuq il-proposta tal-Kummissjoni għal direttiva/regolament dwar l-aġenziji li jiggradaw (jikklassifikaw) il-kreditu (3); u (b) l-Opinjoni tal-BĊE CON/2009/38 tal-21 ta’ April 2009 dwar proposta għal regolament tal-Parlament Ewropew u tal-Kunsill fuq aġenziji tal-klassifikazzjoni tal-kreditu (4). |
2. |
Kif ġie osservat fil-kontribuzzjoni tal-Eurosistema tal-2008 (5), approċċ ta’ entità waħda għas-superviżjoni tal-AKK huwa preferibbli minn superviżjoni mifruxa mill-perspettiva li tiġi żgurata l-koordinazzjoni u qasam ġust u ekwu. F’dan il-kuntest, il-BĊE jilqa’ l-attribuzzjoni lill-AETS ta’ numru ta’ kompiti relatati mar-reġistrazzjoni u s-sorveljanza tal-AKK. Il-BĊE jifhem li l-qafas regolatorju ser jippreserva d-dritt tal-awtoritajiet superviżorji nazzjonali li jirrikonoxxu l-AKK bħala istituzzjonijiet ta’ valutazzjoni ta’ kreditu estern taħt l-Artikoli 81 sa 83 tad-Direttiva 2006/48/KE tal-Parlament Ewropew u tal-Kunsill tal-14 ta’ Ġunju 2006 rigward il-bidu u l-eżerċizzju tan-negozju tal-istituzzjonijiet ta’ kreditu (riformulazzjoni) (6) |
3. |
Il-BĊE jappoġġa b’mod ġenerali, bla ħsara għal iktar osservazzjonijiet ta’ hawn taħt, l-arranġamenti ta’ trasparenza mfissrin fl-Artikoli 8a u 8b ġodda tar-Regolament (KE) Nru 1060/2009 (7) li jeħtieġu li l-emittenti ta’ strumenti finanzjarji strutturati jagħtu aċċess għall-informazzjoni li jipprovdu lill-AKK maħtura kif ukoll lil ċerti AKK oħrajn. L-introduzzjoni ta’ dawn ir-rekwiżiti ta’ żvelar għandha l-għan li ttejjeb il-kwalità u t-trasparenza tal-proċess ta’ klassifikazzjoni għal strumenti finanzjarji strutturati, u tista’ tikkontribwixxi wkoll biex iżżid il-kompetizzjoni bejn l-AKK. Barra minn hekk, ir-rekwiżiti l-ġodda huma sa ċertu punt simili għar-regoli applikati mis-Securities and Exchange Commission (SEC) tal-Istati Uniti minn Ġunju 2010 (8). Il-konverġenza bejn il-qafas regolatorju tal-UE u tal-US, meta jkun possibbli, tikkostitwixxi aspett importanti ta’ qasam ekwu u ġust. Madankollu, il-BĊE jixtieq jindika ċertu tħassib potenzjali dwar l-implimentazzjoni tar-rekwiżiti fuq l-iżvelar ġodda. L-ewwel nett, skont l-arranġamenti proposti, l-AKK maħtura biex toħroġ il-klassifikazzjoni tal-kreditu f’każ partikolari hija mistennija li tkun suġġetta għal kompetizzjoni ikbar minn AKK oħrajn eliġibbli (AKK mhux maħtura). B’mod speċifiku, jista’ jkun iktar faċli għall-AKK mhux maħtura biex joħorġu klassifikazzjonijiet ta’ kreditu mhux mitlubin, billi ser jingħataw aċċess għall-informazzjoni provduta mill-emittent lill-AKK maħtura. Madankollu, jista’ jkun hemm xkiel konsiderevoli għad-dħul fis-suq għal AKK mhux maħtura relatati ma’: (a) il-kriterji ta’ eliġibbiltà statutorji għall-aċċess għall-informazzjoni tal-emittent; u (b) tagħrif informali disponibbli għall-AKK maħtura minħabba r-relazzjonijiet fit-tul tagħha mal-emittent. Tabilħaqq, l-esperjenza mar-regoli tat-trasparenza introdotti mis-SEC għadha ma kkonfermatx b’mod konklużiv li dawn ir-regoli għandhom effett sostantiv fuq il-prattiċi tal-AKK, partikolarment billi jiżdied in-nurmu ta’ klassifikazzjonijiet ta’ kreditu mhux mitluba. It-tieni nett, il-possibbiltà li jinkisbu diversi klassifikazzjonijiet ta’ kreditu tista’ tippermetti lill-emittenti li jagħżlu l-iktar waħda favorevoli (“rating shopping”), li jista’ jwassal għall-kompetizzjoni bejn AKK għall-provvista tal-iktar klassifikazzjonijiet attraenti. Dan jista’ jaffettwa b’mod negattiv il-kwalità ta’ klassifikazzjonijiet maħruġin. It-tielet nett, is-sitwazzjoni tal-emittent innifsu ser ikollha tiġi eżaminata wkoll, wara li jitqiesu elementi bħal dawn: (a) l-oneru dwar l-aċċess permess għall-informazzjoni għall-AKK mhux maħtura; u (b) protezzjoni kontra abbuż potenzjali tal-informazzjoni rċevuta mill-AKK mhux maħtura. Il-BĊE jifhem li l-arranġamenti ta’ trasparenza mfissrin fl-Artikoli 8a u 8b ġodda proposti ġew appoġġati fil-wisa’ fl-kuntest ta’ xogħol preparatorju fuq ir-regolament propost (9). Għaldaqstant, il-BĊE jipproponi biss emendi limitati (10). Fl-istess ħin, jirrakkomanda li l-iżviluppi fl-oqsma msemmijin iktar ’il fuq għandhom jiġu ssorveljati mill-qrib mill-AETS b’rabta mal-implimentazzjoni tar-regolament propost, sabiex ikunu jistgħu jitressqu aġġustamenti xierqa mill-Kummissjoni bis-saħħa tal-esperjenza miksuba (11). |
4. |
Barra min dan, il-BĊE jistenna li l-Kummissjoni ser taħdem fuq arranġamenti ta’ trasparenza usa’ relatati mal-ħruġ ta’ klassifikazzjonijiet tal-kreditu fuq il-bażi tal-esperjenza miksuba mar-regoli introdotti mir-regolament propost. Biex jintlaħaq l-effett mixtieq, l-arranġamenti ta’ trasparenza għandhom jibbilanċjaw, minn naħa, l-interessi tan-negozju tal-emittenti li jipprovdu informazzjoni sensittiva lill-AKK u, minn naħa l-oħra, il-bżonnijiet tal-banek ċentrali, superviżuri u parteċipanti oħrajn għal aċċess usa’ għall-informazzjoni li tippermetti valutazzjoni indipendenti tal-prestazzjoni tal-AKK. L-elementi kollha ta’ hawn fuq huma rilevanti b’mod partikolari fis-suq tat-titolizzazzjonijiet. F’dan ir-rigward, l-Eurosistema għandha l-għan, bħala parti mill-qafas tagħha għall-evalwazzjoni tal-kollateral, li jkollha aċċess għall-informazzjoni self b’self li jippermetti valutazzjoni kontinwa tar-riskji għall-istrumenti titolizzati. |
Osservazzjonijiet speċifiċi
Iżjed trasparenza fil-proċess ta’ klassifikazzjoni
5. |
Ir-regolament propost jeħtieġ li kull AKK maħtura tagħti lill-kompetituri tagħha lista tal-istrumenti finanzjarji strutturati li bħalissa qed jiġu kklassifikati minnha, flimkien ma’ link għas-sit elettroniku fejn l-emittent jaħżen l-informazzjoni użata fil-preparazzjoni tal-klassifikazzjonijiet tal-kreditu. AKK mhux maħtura jistgħu jiksbu aċċess għal din l-informazzjoni, iżda: (a) fiż-żmien tat-talba, għandu jkollhom is-sistemi u l-istruttura organizzattiva stabbiliti biex jipproteġu l-kunfidenzjalità ta’ din l-informazzjoni; u (b) wara li jkollhom aċċess għall-informazzjoni, joħorġu klassifikazzjonijiet fuq bażi annwali għal ta’ lanqas 10 % tal-istrumenti finanzjarji strutturati li intalbet l-informazzjoni dwarhom (12). Il-BĊE jirrakkomanda li r-regolament propost jiddefinixxi b’mod iktar ċar, l-ewwel nett, il-metodu ta’ verifika mill-AETS tal-konformità ma’ dawn il-kriterji, it-tieni nett, il-metodu ta’ kalkolu applikat għall-verifika tal-konformità mat-tieni kriterju (13) u t-tielet nett, is-sitwazzjonijiet fejn in-nuqqas ta’ konformità mat-tieni kriterju jista’ jwassal għall-impożizzjoni ta’ sanzjonijiet (14). |
6. |
Barra minn hekk, il-BĊE jagħmel ir-rakkomandazzjonijiet li ġejjin biex jindirizza l-kwistjonijiet speċifikati fil-paragrafu 3. L-ewwel nett, AKK għandhom ikunu meħtieġa li jirrapportaw kull sitt xhur lill-AETS dejta fuq in-numru ta’ klassifikazzjonijiet ta’ kreditu li ħarġu f’perijodu partikolari, u jaqsmuhom biex juru: (a) il-klassifikazzjonijiet tal-kreditu mitluba minn entità klassifikata jew parti terza relatata; u (b) klassifikazzjonijiet ta’ kreditu mhux mitlubin, flimkien mad-dejta li tindika l-proporzjon ta’ dawn il-klassifikazzjonijiet ta’ kreditu mhux mitlubin li kienu ogħla, daqs jew inqas mill-klassifikazzjonijiet ta’ kreditu rilevanti maħruġin mill-AKK maħtura rilevanti. Dan ir-rappurtar għandu jiġi inkluż fl-iżvelar perjodiku magħmul mill-AKK lill-AETS (15). It-tieni nett, AETS għandha tingħata l-inkarigu li tissorvelja l-implimentazzjoni tal-Artikoli 8a u 8b ġodda proposti biex jiġu identifikati: (a) l-impatt ta’ dawn id-dispożizzjonijiet fuq l-ammont u l-kwalità tal-klassifikazzjonijiet ta’ kreditu maħruġin, inklużi klassifikazzjonijiet ta’ kreditu mhux mitlubin; (b) kull ħtieġa possibbli biex jiġu emendati l-kriterji ta’ eliġibbiltà għal AKK mhux maħtura, sabiex jiġu evitati ostakoli eċċessivi għad-dħul fis-suq; (ċ) l-oneru impost fuq l-emittenti; u (d) kull ħtieġa possibbli biex l-emittenti jiġu protetti kontra l-użu ħażin tal-informazzjoni provduta minnhom lill-AKK mhux maħtura. Rapport mill-AETS għandu jkun il-bażi għall-verifika tal-Kummissjoni tal-Artikolu 8a u 8b proposti fil-perijodu speċifikat wara d-dħul fis-seħħ tagħhom. |
Għoti ta’ informazzjoni lill-AETS u lill-Eurosistema
7. |
Il-BĊE jinnota li l-AKK ser ikunu meħtieġa li jipprovdu d-dejta tal-prestazzjoni storika tagħhom lil maħżen ċentrali stabbilit mill-AETS (16). Il-BĊE jirrakkomanda li din id-dejta għandha tkun f’format paragunabbli, u konsistenti mal-qafas statistiku tal-Unjoni. Identifikaturi u standards komuni għandhom jintużaw kemm jista’ jkun fl-istrutturar u l-ħażna tad-dejta (eż. permezz ta’ informazzjoni ta’ referenza standardizzata bħal kodiċijiet ISIN). |
8. |
Barra minn hekk, kif ġie enfasizzat fil-kontribuzzjoni tal-Eurosistema tal-2008, il-qafas ġdid għar-regolamentazzjoni tal-AKK għandu jippermetti għal livell xieraq ta’ kooperazzjoni bejn l-awtoritajaiet superviżorji u l-Eurosistema. L-Eurosistema għandha interess qawwi fil-qasam tal-klassifikazzjoni tal-kreditu, relatat mar-rwol ta’ stabbilità finanzjarja tagħha. Barra minn hekk, qafas mal-Eurosistema kollha għas-sorveljanza tal-AKK fil-kuntest tal-operazzjonijiet tal-politika monetarja huwa stabbilit diġà (17). Għaldaqstant, il-BĊE japprezza l-arranġamenti għall-iskambju ta’ informazzjoni li hemm fl-Artikolu 27 ġdid propost tar-Regolament (KE) Nru 1060/2009. Madankollu, il-BĊE jirrakkomanda li din id-dispożizzjoni għandha tiżgura espressament l-aċċess mis-SEBĊ u l-BĊE, kif ukoll l-awtoritajiet tal-Istati Membri speċifikati, għall-informazzjoni rilevanti għall-eżerċizzju tal-ħidmiet statutorji tagħhom. |
Proposti għall-abbozzar
Meta l-BĊE jirrakkomanda li r-regolament propost jigi emendat, proposta ta’ abbozzar speċifika tidher fl-Anness akkumpanjata b’test spjegattiv f’dan is-sens
Magħmula fi Frankfurt am Main, id-19 ta’ Novembru 2010.
Il-President tal-BĊE
Jean-Claude TRICHET
(1) KUMM(2010) 289 final.
(2) ĠU L 302, 17.11.2009, p. 1.
(3) Settembru 2008 (minn issa ’l quddiem il-“kontribuzzjoni tal-Eurosistema 2008”), disponibbli fuq is-sit elettroniku tal-BĊE f’ http://www.ecb.europa.eu
(4) ĠU C 115, 20.5.2009, p. 1.
(5) p.4.
(6) ĠU L 239M , 10.9.2010, p. 1–200.
(7) Ara l-Artikolu 1(4) tar-regolament propost.
(8) Ara l-emenda għar-Regola 17g-5 tat-Taqsima 240 tas-Securities Exchange Act 1934 (Att dwar l-Iskambju ta’ Titoli), SEC Release No 34-61050 (tat-23 ta’ Novembru 2009), Federal Register Vol. 74 (Reġistru Federali), No 232, p. 63832 (tal-4 ta’ Diċembru 2009) (minn hawn ’il quddiem “ir-regola SEC 240.17g-5 emendata”); disponibbli fuq is-sit elettroniku tas-SEC f’ http://www.sec.gov Ir-regola SEC 240.17g-5 emendata tapplika għal emittenti tal-US mit-2 ta’ Ġunju 2010 u ser tapplika għal emittenti mhux tal-US li jaħtru AKK bbażata fil-US mit-2 ta’ Diċembru 2010; ara wkoll l-“Ordni tad-19 ta’ Mejju 2010 tas-SEC li tagħti eżenzjoni kundizzjonata temporanja lil organizzazzjonijiet li jikklassifikaw l-istatistika rikonoxxuti nazzjonalment mir-rekwiżiti tar-regola 17g-5 emendata taħt is-Securities Exchange Act tal-1934 u talba għal kumment” (Release No 34-62120), disponibbli fuq is-sit elettroniku tas-SEC).
(9) Qabbel il-kliem preżenti tar-regolament propost ma’ dak tal-proposta ta’ kompromess tal-Presidenza tas-7 ta’ Ottubru 2010, 2010/0160 (COD), p. 17.
(10) Ara iktar kummenti fil-paragrafu 5.
(11) Ara iktar kummenti fil-paragrafu 6.
(12) Ara l-Artikolu 8a(2) ġdid propost tar-Regolament (KE) Nru 1060/2009.
(13) Qabbel l-abbozzar preżenti mal-Artikolu (a)(3)(iii)(B)(1) tar-regola SEC 240.17g-5.
(14) Ara l-Artikoli 24(1) u 36a(1) ġodda proposti tar-Regolament (KE) Nru 1060/2009, flimkien mat-Taqsima I(w) proposta tal-Anness III tar-Regolament (KE) Nru 1060/2009.
(15) Ara l-Artikolu 11(3) ġdid propost tar-Regolament (KE) Nru 1060/2009, flimkien mal-Parti II, Taqsima E tal-Anness I tar-Regolament (KE) Nru 1060/2009.
(16) Ara l-Artikolu 11(2) ġdid tar-Regolament (KE) Nru 1060/2009.
(17) Ara l-kontribuzzjoni tal-Eurosistema tal-2008, p. 5 u t-Taqsima 6.3 (“Qafas tal-valutazzjoni tal-kreditu tal-Eurosistema”) tal-Anness I tal-Linja ta’ Gwida BĊE/2000/7 tal-31 ta’ Awwissu 2000 dwar l-istrumenti tal-politika monetarja u l-procedura tal-Ewrosistema, ĠU Edizzjoni Speċjali bil-Malti, Kapitolu 10, Vol. 1 p. 268 sa 274.
ANNESS
Proposti għall-abbozzar
Test propost mill-Kummissjoni |
Emendi proposti mill-BĊE (1) |
||||||||||||||||||||||||
Emenda 1 |
|||||||||||||||||||||||||
It-tielet premessa (ġdida) |
|||||||||||||||||||||||||
L-ebda test. |
“Wara li kkunsidraw l-opinjoni tal-Bank Ċentrali Ewropew,” |
||||||||||||||||||||||||
Ġustifikazzjoni Billi l-BĊE huwa meħtieġ li jiġi kkonsultat fuq ir-regolament propost taħt l-Artikoli 127(4) u 282(5) tat-Trattat, għandha tiddaħħal referenza f’dan is-sens fir-regolament propost skont it-tieni paragrafu tal-Artikolu 296 tat-Trattat, li jgħid li atti legali għandhom jirriferu, inter alia, għall-opinjonijiet meħtieġa mit-Trattati. |
|||||||||||||||||||||||||
Emenda 2 |
|||||||||||||||||||||||||
Premessa 5, premessi 11a u 16a (ġdida) |
|||||||||||||||||||||||||
|
…
…
|
||||||||||||||||||||||||
Ġustifikazzjoni Ara l-paragrafi 5 sa 8 tal-opinjoni. Dawn l-emendi huma relatati mal-emendi 3 sa 7. |
|||||||||||||||||||||||||
Emenda 3 |
|||||||||||||||||||||||||
L-Artikolu 1(4) tar-regolament propost |
|||||||||||||||||||||||||
“4. Jiddaħħlu l-Artikoli 8a u 8b li ġejjin: ‘Artikolu 8a Informazzjoni dwar strumenti finanzjarji strutturati …
…’ ” |
“4. Jiddaħħlu l-Artikoli 8a u 8b u 8c li ġejjin: ‘Artikolu 8a Informazzjoni dwar strumenti finanzjarji strutturati …
Jekk l-eżitu tal-verifika huwa pożittiv, l-AETS għandha toħroġ awtorizzazzjoni li tippermetti l-aċċess għall-informazzjoni msemmija fil-paragrafu 1, li għandha tkun valida għal perijodu ta’ 12-il xahar. … Artikolu 8c Reviżjoni
|
||||||||||||||||||||||||
Ġustifikazzjoni Ara l-paragrafi 5 sa 6 tal-opinjoni. |
|||||||||||||||||||||||||
Emenda 4 |
|||||||||||||||||||||||||
L-Artikolu 1(7) tar-regolament propost |
|||||||||||||||||||||||||
“7. Fl-Artikolu 11, il-paragrafi 2 and 3 huma sostitwiti b'dan li ġej: ‘2. Agenzija ta’ klassifikazzjoni tal-kreditu għandha tagħmel disponibbli f’maħżen ċentrali stabbilit mill-AETS informazzjoni dwar id-dejta tal-prestazzjoni storika taghha, inkluża l-frekwenza tat-tranżizzjoni tal-klassifikazzjonijiet u informazzjoni dwar klassifikazzjonijiet tal-kreditu mahruga fil-passat u dwar il-bidliet fihom. L-aġenzija ta’ klassifikazzjoni tal-kreditu għandha tipprovdi informazzjoni lil dak il-maħżen fuq formola standard kif provduta mill-AETS. L-AETS għandha tagħmel dik l-informazzjoni disponibbli għall-pubbliku u għandha tippubblika informazzjoni fil-qosor dwar l-izviluppi ewlenin osservati fuq bazi annwali. ….’ ” |
“7. Fl-Artikolu 11, il-paragrafi 2 and 3 huma sostitwiti b’dan li ġej: ‘2. Aġenzija ta’ klassifikazzjoni tal-kreditu għandha tagħmel disponibbli f’maħżen ċentrali stabbilit mill-AETS informazzjoni dwar id-dejta tal-prestazzjoni storika tagħha, inkluża l-frekwenza tat-tranżizzjoni tal-klassifikazzjonijiet u informazzjoni dwar klassifikazzjonijiet tal-kreditu maħruġa fil-passat u dwar il-bidliet fihom. Aġenzija ta’ klassifikazzjoni tal-kreditu għandha tipprovdi informazzjoni lil dak il-maħżen fuq formola standard li għandha tigi pprovduta mill-AETS f’format li huwa konsistenti mal-qafas statistiku tal-Unjoni u li jiffaċilita, permezz tal-uzu ta’ identifikaturi u standards komuni, paraguni diretti bejn dejta storika provduta minn aġenziji differenti li jikklassifikaw il-kreditu. L-AETS għandha tagħmel dik l-informazzjoni disponibbli għall-pubbliku u għandha tippubblika informazzjoni fil-qosor dwar l-izviluppi ewlenin osservati fuq bażi annwali. …’ ” |
||||||||||||||||||||||||
Ġustifikazzjoni Ara l-paragrafu 7 tal-opinjoni. |
|||||||||||||||||||||||||
Emenda 5 |
|||||||||||||||||||||||||
L-Artikolu 1(17) tar-regolament propost |
|||||||||||||||||||||||||
“17. L-Artikoli 26 u 27 għandhom jinbidlu b’dan li ġej: ‘… Artikolu 27 Skambju ta’ informazzjoni …
|
“17. L-Artikoli 26 u 27 għandhom jinbidlu b’dan li ġej: ‘… Artikolu 27 Skambju ta’ informazzjoni …
|
||||||||||||||||||||||||
Ġustifikazzjoni Ara l-paragrafu 8 tal-opinjoni. |
|||||||||||||||||||||||||
Emenda 6 |
|||||||||||||||||||||||||
Punt 3 tal-Anness I tar-regolament propost (gdid) |
|||||||||||||||||||||||||
L-ebda test. |
|
||||||||||||||||||||||||
Ġustifikazzjoni Ara l-paragrafu 6 tal-opinjoni. |
|||||||||||||||||||||||||
Emenda 7 |
|||||||||||||||||||||||||
Anness II tar-regolament propost |
|||||||||||||||||||||||||
“L-Anness III li ġej għandu jizdied mar-Regolament (KE) Nru 1060/2009: SANZJONIJIET Ksur I. Ksur relatat ma’ kunflitti ta’ interess, rekwiżiti organizzattivi jew operattivi …
…’ ” |
“L-Anness III li ġej għandu jizdied mar-Regolament (KE) Nru 1060/2009: SANZJONIJIET Ksur I. Ksur relatat ma’ kunflitti ta’ interess, rekwiżiti organizzattivi jew operattivi …
…’ ” |
||||||||||||||||||||||||
Ġustifikazzjoni Ara l-paragrafu 5 tal-opinjon. |
(1) Il-grassett fil-korp tat-test jindika fejn il-BĊE qed jipproponi li jiddaħħal test ġdid. L-ingassar (strikethrough) fil-korp tat-test jindika fejn il-BĊE qed jipproponi li jitħassar test.